Léif Frënn vum Handball Diddeleng,
Eis jonk Fiiss waren dëse Weekend scho schéin aktiv, dëst um Olympiadag.
Eng 30 Kanner hunn sech zesumme gedoe fir e flotten Dag mat sportlechen Aktivitéiten ze verbréngen.
Eis Damme souwéi eis Hären huele jeeweils déi 2 Punkte mat Heem.
D’Damme gewannen héich géint den HC Redange, dëst mat engem Endresultat vu 40 zu 16.
D’Partie tëschen dem HC Standard an eise Häre war e wéineg méi spannend, eis Fiiss gewanne mat 31 zu 26.
Weider geet et mam Championnat fir eis Damme – si trieden e Samschden (21/09) géint den HB Museldall um 20.15 un.
E Sonnde spillen eis U17F Doheem géint de HB Bieles, dëst um 16.00 Auer.
Eis H2 spillen och hiren éischte Match, dëst zu Nidderkuer géint d‘Red Boys um 18.00 Auer.
Et ass souwäit : eis Häre reesen dësen Donneschden an de Süde fir d‘Coupe d‘Europe kënnen ze spillen.
Hieren éischte Match („Heemmatch“) hunn si e Freiden (20/09) um 18.30 Auer.
De Retour-Match fënnt e Samschden (21/09) um 18.30 Auer statt.
Let’s go Fiiss!
Mam hierschtlëchen Wierder kënnegt sech d‘Rentrée un an dofir heescht et „Back to School“! Denk du och drun, däin Ekipement op eisem Site ze bestelle fir gutt ausgerüst ze si fir des Saison.
Dëst gëllt och fir all eis Memberen ! Hutt dir schonn är Fox-Card?
Wann net, gëtt et héich Zäit iech déi ze bestellen!
3 Optioune ginn iech proposéiert :
(Gratis Entreën op all de Dammen a Häre Matcher + 20% bei eisem Partner SELECT)
(50% op d‘Tickets vun all de Dammen a Häre Matcher + 20% bei eisem Partner SELECT)
(-2€ op d‘Tickets vun all de Dammen an Häre Matcher + 10% bei eisem Partner SELECT).
Wat muss dir dofir maachen? Einfach eng Mail mat der Optioun wou dir wëllt op shop@hbd.lu !
Mir soen iech Merci fir är Ënnerstëtzung!
Fir d‘Saison gutt kënnen ze starten, dëst mat eise Spiller, Memberen a Sponsoren zesummen, invitéiere mir iech häerzlech op eise „ SEASON OPENING“ den 28/09.
Kommt all laanscht an erlieft e schéinen Dag a engem handballerësche Kader mat flotten Animatiounen!
Bis geschwënn a léif Gréiss…
| Dësen Newsletter gëtt presentéiert vun: | ||
|---|---|---|
 |
  |
  |
